کۆمەڵەی هونەرە جوانەکانی کورد مەڵبەندی گشتی سڵیمانی ، کۆمەڵێک لە ئەندامانی ناردە  شاری تاران بە مەبەستی بەژداری کردنیان لە بینینی چەند نمایشیێکی شانۆیی  فێستیڤاڵی نێودەوڵەتی (فەجر) کە ساڵانە لە شاری تاران بەرێوە دەچێت.

فێستیڤاڵی نێودەوڵەتی (فەجر) ساڵانە لە سەرو دەمی ١/٢٠ دەست پێ دەکات و زیاتر لە هەفتەیەک درێژەی دەبێت ، هەر لە نێو ئەو ڤێستیڤاڵەدا ژمارەیەکی بەرچاو شانۆیی لە وڵاتانەوە دەبرێنە تاران و نمایش دەکرێن.

لە سی و سێیەمین فێستیڤاڵی نێو دەوڵەتی (فەجر)دا نمایشەکان بەسەر دوو خشتەدا دابەش کراوون ئەوانیش شانۆیی سەر شەقام و شانۆیی ناو هۆڵەکانن کە لە چەند کاتێکی جیا جیا نمایش دەکرێن.

لەم ساڵدا زیاتر لە ٧٠ نمایش ئامادەکراوە  لە ناوخۆی ئێران و دەرەوەی ئێران ، کە بە نمونەی وڵاتانی بەژدار بوو فەرەنسا و ئەڵمانیا و نەرویج و تورکیا و چەند وڵاتێکی دیکە.

ئەو گروپەی کە لە کۆمەڵەی هونەرەجوانەکانەوە چونە بینینی شانۆییەکان ژمارەیان ٩ کەس بوو ئەوانیش هونەرمەندان ( عەلی جۆڵا - بەرێز مەجید - عومەر هەمەوەندی - شەماڵ فەهمی - سەردار خدر- دیدار عومەر-شیرکۆ حەمە سەعید-شەماڵ کەریم-رێکەوت حمە تۆفێق) بوو.

لە کوردستانی باشوریشەوە شانۆییەک ئامادەکراوە بەناوی (ساڵی ئاشوب) لە دەرهێنانی گۆران عەلی کەریم و بریارە رۆژی ١/٢٧ نمایش بکرێت