ئەمڕۆ ٢٠١٤/١٢/٢٥ یادی دامەزراندنی ٤٥ ساڵەی کۆمەڵەی هونەرە جوانەکانی کورد مەڵبەندی گشتی سلێمانی لە هۆڵی کۆمەڵەی هونەرە جوانەکان بەڕێوەچوو ، لە مەراسیمێکی شایستەدا بە ئامادەبووی کەسایەتی دیار و هونەرمەندانی شاری سلێمانی ئەو یادە بەرز ڕاگیرا

شایەنی باسە لە مەراسیمەکەدا دوای خوێندنەوەی وتاری کۆمەڵەی لە لایەن هونەرمەند ئاشتی کەمال و پێشکەش کردنی چەند پارچە گۆرانیەک لە لایەن هونەرمەندان (لوقمان سەلیم ، سیڤان عەباس ، کاروانی نەی ) پێشکەش کرا.

 دوا بە دوای ئەوە شەش هونەرمەندی ماندوونەناس لەلایەن کۆمەڵەوە مەدالیای ڕێزلێنانیان پێبەخشرا کە ئەوانیش هونەرمەندان ( هێریش عومەر ڕەزا ، نیاز نووری ، محمد فەتاح ، بەهادین هەڵەبجەی ، سەردار خدر ، محمد کاک عەوڵا)بوو 

هەروەها چەند خەڵاتێکی تر لەلایەن (سەندیکای هونەرمەندانی کوردستان ، بەڕێوەبەرایەتی هونەری شانۆی سلێمانی ، بەڕێوەبەرایەتی ڕۆشنبیری گشتی سلێمانی ، بەڕێوەبەرایەتی یەکەی چالاکی هونەری ڕؤژئاوا  ، مەکتەبی ڕێکخراوە دیموکراتیەکان ، تیپی شاۆیی کوردستان ، تیپی مۆسیقای فۆلکلۆری کورد ، ئۆرکسترای سلێمانی) بەخشرایە ئەم هونەرمەندانە

فۆتۆ: ژێنەر عومەر